КЕНТАШ барагынын баштапкы кодун көрүү

<b type='title'>КЕНТАШ</b> , р у д а – курамында казып ж-а бөлүп
алууга жарактуу металлдар же алардын бирик&shy;мелери бар минералдардын табигый чогундусу.<br>
Өз ичинен металл ж-а металл эмес К. болуп эки түргө бөлүнөт. Металл эмеске асбест, барий, күкүрт, графит, корунд ж. б. кирет. К-ты түзүүчү минералдардын орун алышына (текстура) жа&shy;раша нык, катмарлуу, темгилдүү, тарамдашкан, ала-була, жол-жол, чачынды, чаар түрлөрдөн турат. Түзүлүшүнө карата бир өңчөй, текши эмес, бүртүктүү, оолит, порфир сыяктуу түрлөргө бөлү&shy;нөт. Катуу, бек тектерде тулку, борпоң чөкмө&shy;лөрдө чачыранды деп аталат. Бир эле минерал&shy;дан турганы – мономинералдуу, көптөгөн ми&shy;нералдардан турса полиминералдуу деп аталат. Курамындагы кымбат баалуу компоненттер б-ча бай, орто, жарды К. делет. Пайда болуу шартына жараша эндогендүү, экзогендүү ж-а ме&shy;таморфогендүү түрлөрдөн турат. К-тын пайда&shy;зыяны технол. сыноолор ж-а салыштыруу жолу м-н аныкталат. Курамындагы эң негизги ком&shy;поненттердин запасы, өлчөмү, саны, кошулма&shy;ларынын зыян келтирбей турган максималдуу саны ө. ж-лык кондиция деп аталат. Ал К-ты казып алуу мүмкүнчүлүгүн аныктайт.


Ад.: <i>Вольфсон Ф. И., Дружинин А. В.</i> Главнейшие
типы рудных месторождений. М., 1982.
[[Категория:4-том, 204-256 бб]]