РАЗЗАКОВ барагынын баштапкы кодун көрүү

<b type='title'>ИСФАНА</b> – Баткен облусундагы шаар (2001-жыл&shy;дан). Лейлек районунун административдик борбору. Кара-Суу&shy;нун боюнда, деңиз деңгээлинен 1350 <i>м</i> бийиктикте жайгашкан. Облустун борбору Баткен шаарынан 130 <i>км</i> батыш тарапта. Пролетарск (Тажикстан) темир жол бекетинен 45 <i>км</i> түштүктө. Калкы 18,2 миң (2009); негизинен дыйкан чарбасында эмгекте&shy;нет. Шаардын курамына Ак-Булак, Голбо, Мырза-Пача, Тайлан, Самат ж-а Чимген кыштактары да кирет. Аэропорту бар. Бишкекке Тажикстан, Өзбекстан, Казакстан аркылуу транспорттук каттам бар. Исфана шаардык кеңеши 21 депутаттан, 4 туруктуу комиссиядан турат. Шаар кеңешине караштуу жердин аянты 29 миң <i>га</i>; анын ичинде айдоо жер 6,6 миң <i>га</i>, сугат жер 1,2 миң <i>га</i>, кайрак жер 5,4 миң <i>га</i>, чабынды 800 <i>га</i>, жайыт 15,6 миң <i>га</i>, көп жылдык маданий өсүмдүктөр 130 <i>га</i>. Шаарда жалпы билим берүүчү 14 мектеп (анын ичинде 2 гимназия), 4 бала бакча, кесиптик-техникалык лицей, Бишкектеги эл аралык укук, финансы ж-а бизнес башкаруу академиясынын филиалы, маданият үйү, клуб, 3 китепкана, тарых ж-а край таануу, даңк ж-а И. Раззаков музейлери, мей&shy;манкана бар. Исфана шаардык башкармалыгында ар түрдүү жеке менчикке таандык 82 ишкана, ме&shy;кеме-уюмдар, айыл чарба кооперациялары, 8 банк фи&shy;лиалдары, «Исфана» АКтын кыш заводу, менчик (3 кондитер, эмерек даярдоочу ж-а тигүү) санитардык- эпидемиологиялык станция, райондук оорукана, үй-бү&shy;лөлүк медициналык борбор, 6 үй-бүлөлүк врачтар тобу, турмуш-тиричилик кызматынын бөлүмдөрү, соода түйүндөрү, базар иштейт. Улуу Ата Ме&shy;кендик согушта курман болгондорго ж-а И. Раз&shy;заковго эстелик тургузулган.<p align='right'><i type='author'>Б. Амираева.</i></p>
[[Категория:3-том, 607-672 бб]]