КӨРҮШҮҮ ЫРЛАРЫ

КӨРҮШҮҮ ЫРЛАРЫ – элдик оозеки чыгармачылыктагы каада-салт ырларынын түрү. Мындай ырларды күйөөгө бараткан кыздын апасы, жеңелери, эже-сиңдилери ырдашкан. Анда кызга бакыт тилеп, бала-чакалуу, ырыс-кешиктүү жар болушун каалаган ойлор, ошондой эле куда-кудагыйларга кыздын аманат өмүрү, кийинки тарбиясы табышталган, аларга адамдын тагдыры өткөрүлүп берилгени билдирилген.