КӨК ТАШ

КӨК ТАШ – жез сульфатынын кристаллгидра­ты, СuSО ^.5Н О, ачык көк түстүү кристалл. Суу­да жакшы эрийт. Тыгыздыгы 2,29 г/см³, 105°Сден жогору темп-рада суусун бир аз жого­туп, СuSО ^.3Н Ого (көгүш) өтөт. 258°Сде толук кургагандан кийин ак түстөгү кристаллга айла­нат. Табиятта халькантит минералы түрүндө кез­дешет. Өнөр жайда К. т. абаны үйлөтүү м-н жезди суюлтулган ысык күкүрт к-тасында эритүүдөн алынат. К. т. жездин маанилүү тех. тузу. Чирүү­дөн сактоо максатында К. т. эритмеси жыгачтар­га сиңирилет; боёк алууда, өсүмдүк илдеттери­не ж-а зыянкечтерине каршы үрөн дарылоодо, медицинада, тери ийлөөдө ж. б-да колдонулат.