КӨК-КЫЯ

КӨК-КЫЯ – Ак-Сай өрөөнүндөгү суу, Ак-Сай суусунун оң куймасы. Ат-Башы районунун айма­гы аркылуу агат. Какшаал тоо тизмегинен баш­талат. Уз. 83 км, алабынын аянты 1050 км². Жогорку агымында өрөөнү бирде кууш, бирде кеңейип, кээде салааларга бөлүнүп агат. Башта­лышында 3514 м бийикте, аянты 4,5 км² кел­ген Көл-Суу көлү бар. Негизинен кар, мөңгү ж-а булак сууларынан куралат. Ири куймалары: Ак- Сай-Ууру (29 км), Туюк-Бото-Мойнок (28 км), Кара-Бел (10 км) – оң; Туюк-Хожент (13 км), Хожент (11 км) – сол. Жылдык орт. чыгымы 3,75 м³/сек; эң көбү июлда, эң азы мартта бай­калат. Сентябрда тартылып, майда кире баш­тайт.