КӨКӨМЕРЕН ФЛЮОРИТ КЕНИ

КӨКӨМЕРЕН ФЛЮОРИ́Т КЕНИ Нарын обл-нун Жумгал районунда, Чаек кыш-нан 30 км батыш­та, деңиз деңг. 2100–2200 м бийикте. 1943- ж-а 1952-ж. коргошун кенин чалгындоодо флюо­рит кошо каралган. Жумгал тоосунун түш. капталындагы граниттердин арасында уз. 200– 600 м, калыңдыгы 0,1 мден 6 мге жеткен флюо­рит – галениттин 10 тарамы байкалган. Ка­лыңдыгы 0,2–4 м болгон ¹ 6 тарамы чалгын­далган. Флюорит майда кристаллдуу, ачык­жашыл түстө, өзүнчө масса же чачынды түрдө кездешет. Фторлуу кальцийдин өлчөмү 4,58%тен 34,52%ке чейин өзгөрөт. Запасы В+С₁+С₂ ка­тегориясы б-ча 22 миң т. Башка тарамдарды таап, терең чалгындоодон запасын көбөйтүүгө болот.