КӨКӨМЕРЕН ГРАНИТ КЕНИ

КӨКӨМЕРЕН ГРАНИ́Т КЕНИ Нарын обл-нун Жумгал районунда, Кызыл-Ой кыш-нан 15 км түн.- чыгыш тарапта, Көкөмерен суусунун оң өйүзүн­дө. 1955-ж. табылган. Кен аймагын ордовик мезгилиндеги суусамыр интрузиясынын батоли­ти түзөт. Кен порфир сымал ири кристаллдуу граниттен туруп, батолиттин бир тармагын ээлейт. Өңү кызгылтым боз. Гранитте микро­клиндин 2–3 см өлчөмдөгү кызгылтым кристал­лы өзгөчө бөлүнүп, порфирдик түзүлүштү пайда кылат. Гранит жаракалуу. Жылмалап сайкал­даганда күзгүдөй жаркырап, каралжын ж-а кыз­гылтым минералдар өзүнчө көрк берип турат. Физ.-мех. касиети б-ча дубалдарды каптап кооздоого жарамдуу. Запасы ондогон млн м³ге жетет.