КӨКҮМБАЙ

КӨКҮМБАЙ Чыны уулу (19-к-дын 2-жарымы – 1934/35, Фрунзе) – Жумгал өрөөнүнөн чыккан белгилүү манап. Кыргызстандын Россияга ка­ратылышынан кийин бир нече жолу болуш бо­луп шайланган. 1916-жылдагы улуттук-боштон­дук күрөш (к. Үркүн) учурунда кол курап, Жум­гал элин орус акимчилигине каршы уюштуруу­чулардын ж-а жетекчилердин бири катары таа­нылган. Көтөрүлүш жеңилгенден кийин Кытай­га качып, 1918-ж. өз жерине кайтып келген. 1920-жылдардын аягында Совет өкмөтү аны бай­манаптын өкүлү катары камакка алып, бир нече жыл суракта жүрүп каза болгон.

Д. Сапаралиев.