КЫТАЙ-КОРЕЙ ПЛАТФОРМАСЫ

КЫТАЙ-КОРЕЙ ПЛАТФОРМАСЫ – Кытай м-н Кореянын басымдуу бөлүгүн ээлеп жаткан ба­йыркы платформа. Хуанхэ д-нын төмөнкү ала­бын, Корей ж. а-н, Сары деңиздин түбүн куча­гына алып, ичке тилке түрүндө батышка созу­луп жатат да, Ички Моңголия аркылуу кетет.
Чыгыш жак фундаменти кембрий мезгилине чейинки бүктөлүүдөн турат. Корей, Ляодун ж. а-дары, Пекиндин батышы көтөрүлүүгө учу­раган. Мында мигматит, гнейс, кристаллдуу сла­нец сыяктуу метаморфизм тектери ж-а гранит кездешет. Андагы аншань сериясында (астын­кы протерозой) темирлүү кварциттин ири кени жатат. Платформанын ичкерген бөлүгү кийин чөккөн катмарлардан түзүлгөн. Фундаменти бай­кал бүктөлүү циклине туура келет. Протерозой, палеозой, кээде триас м-н юра мезгилиндеги тек­терден таш туз, пермде боксит кени орун алган. Платформа Түн. Кытай, Түш. Кытай, Түн.-Чы­гыш Кытай, Алашань, Тарим, Цайдам, Тибет массивдерине бөлүнөт. Бейшань, Алтынтаг, Хэндуаншань, Жунгар сыяктуу ири структура­ларга ажырайт. Башка платформалардан кый­мылдуу, туруксуз келет. Тарим, Жунгар массив­дери нефть м-н газга бай.

К. Сагындыков.