КЫРК МУУН

КЫРК МУУН (Equisetum) – өсүмдүктөрдүн кырк муундар тукумунун уруусу. Муунакталма тамы­рынан кремнезёмдуу, катуу сабак өсөт, ал муу­нактап бутактайт, ар муунагында начар өөр­чүгөн жалбырагы жайгашат. Сабагы өтө катуу.Кырк муундун 30дай түрү Австралия ж-а Жаңы Зе­ландиядан башка бардык жерде таралган. КМШ олколрундо 17түрү, Кыргызстанда 3 түрү шагыл­дуу, саздуу, токой көлөкөлөрүндө кезигет. Ка­мыш сымал ж-а ала кырк муун бугу ж. б. айбанат­тарга жакшы тоют. Токой кырк мууну кереңкур, чил, каракур сыяктуу куштарга азык болот. Кыш­кы кырк муун жыгач буюмду жылмалоодо колдону­лат. Талаа кырк мууну – отоо чөп, таштак ж-а чопо­луу, кумдак жерде өсөт. Саз кырк мууну – мал үчүн уулуу.