КЫРГЫЗ УЛУТТУК КИТЕП ПАЛАТАСЫ
КЫРГЫЗ УЛУТТУК КИТЕП ПАЛАТАСЫ – республика аймагында басылып чыккан басылмалардын милдеттүү нускасын мамл. ж-а статистик алык катт оого алып, алар ж-дө библ. көрсөткүчтөрдү чыгаруучу библиогр. мекеме; ил.-тех. маалымат, басма иштери, полиграфиялык ө. ж., китеп соодасы ж-а мамл. библиогр. борбор. Кыргыз ССР ЭКСтин 1937-ж. 23-майдагы токтому м-н негизделип, 1939-ж. иштей баштаган. Басма сөздү каттап, сактоодон баштап, ал респ. деңгээлдеги мамл. библиогр. ил. борбор, басма сөз статистикасынын, борборлоштурулган каталогдоштуруунун ж-а Улуттук lSBN, ISSN агенттигинин борборуна айланган. Улуттук басма сөздүн кайталангыс, уникалдуу архивин сактоо, маалыматтык библиографияны өнүктүрүү максатында КР Президентинин 1999- жылдын 18-мартындагы жарлыгы м-н Мамл. китеп палатасы Улуттук китеп палатасы болуп кайра түзүлгөн. Палата 5 негизги бөлүмдөн турат (2012): 1) милдеттүү нусканы кабыл алуу ж-а китеп таркатуу бөлүмү келип түшкөн басылмага (газетадан башка) мамл. каттоо номерин ыйгарып, бөлүштүрүүнү жүргүзөт; 2) мамл. библиография бөлүмү китеп, брошюра, автореферат, нота, сүрөт басылмаларын, рецензия ж-а газета-журналдарга чыккан макалаларды библиогр. каттоодон өткөрүп УДК (Универсалдуу децималдык классификация) б-ча классификациялап, мамл. библиогр. көрсөткүчтөрдү түзөт. Бөлүм «Кыргыз Республикасынын басма сөз жылнаамасы» мамл. библиогр. көрсөткүчүн кыргыз ж-а орус тилинде даярдап чыгарат. Анда «Китеп жылнаамасы (1951-жылдан)», «Газета макалаларынын жылнаамасы» ж-а «Журнал макалаларынын жылнаамасы» (1956-жылдан), «Рецензия жылнаамасы» (1966-жылдан), «Нота жылнаамасы» (1972-жылдан), «Сүрөт искусствосунун жылнаамасы» ж-а «Библиографиялык колдонмолордун көрсөткүчү» (1982-жылдан) бөлүмдөрү бар; 3) каталогдоштуруу ж-а стандартташтыруу бөлүмү өз ишинде басма сөз ад-ттарын борбордоштуруп каталог түзүүгө чоң орун берет. 1957-жылдан аннотацияланган карточкалар үзгүлтүксүз басылып келет. Каталог м-н картотекаларда 1939-жылдан берки басма ад-ттар камтылган. Ошол учурдан тартып Улуттук lSBN, lSSN ж-а каталогдоштуруу агенттигинин Кырг-ндагы бөлүмү ачылган. Бул бөлүм аркылуу китептерге стандарттык номер коюлуп, каталогдук системага киргизилген. Стандартташтыруу номери б-ча Лондондогу Эл аралык lSBN агенттигине, «Эл аралык басмалардын справочниги» үчүн маалымат жөнөтөт. 4) басма сөздүн ретроспекциясы, архиви ж-а статистикасы бөлүмүндө басылманын статистикалык эсебин толуктоо ж-а сактоо м-н гана чектелбестен, сан ж-а сапаттык көрсөткүчү б-ча маалымат берет. 5) эл аралык кызматташуу бөлүмү 2008-ж. түзүлгөн. Мамл. басма тармагы б-ча эл аралык кызматташуу ишин координациялайт.
М. Молдалиева.