КЫРГЫЗ РЕСПУБЛИКАСЫНЫН ПРЕЗИДЕНТИНЕ КАРАШТУУ БАШКАРУУ АКАДЕМИЯСЫ
– жогорку окуу жайы. 1992-ж. КР Президентинин жарлыгы м-н мамл. кызматка адистерди даярдоону ж-а кайра даярдоону камсыз кылуу максатында Бишкек Эл аралык менежмент ж-а бизнес мектеби ачылып, кийин 1997-ж. КР Президентинин Указы м-н КР Президентине караштуу Башкаруу академиясы болуп кайра түзүлгөн. Мамл. бийлик органдарын окуу-методикалык, ил. ж-а маалымат-аналитикалык жактан камсыздандыруу, о. эле башкаруу ж-а
экон., мамл. адис кызматкерлеринин квалификациясын жогорулатуу, даярдоо ж-а кайра даярдоо функциясы ыйгарылган. Академияда мамл. ж-а муниципалдык башкаруу ин-ту, Бишкек эл аралык менежмент ж-а бизнес мектеби, о. эле А. Токтоналиев атн. Бишкек финансы-экон. окуу жайы иштейт. Академия 20 жылдан бери универсалдуу билим берүүчү окуу жай катары
өнүккөн. Кадрларды даярдоодогу окуу-методикалык иштери бөлүштүрүлүп, 130дан ашык адис профессор окутуучулар, белгилүү окумуштуулар эмгектенишет ж-а учурда 2150дөн ашык студент билим алат. Магистратура (күндүзгү, кечки ж-а сырттан окуу бөлүмдөрү), бакалавр (күндүзгү бөлүмү) программалары иштейт. Башкаруу академиясы Борб. Азия аймагындагы Бизнес мектебинин ассоциациясынын, Борб. АзиядагыЖОЖдордун ресурстук тармагынын мүчөсү. Уюштуруучусу ж-а ректору – М.
Ашыркулов.