КЫРГЫЗ РЕСПУБЛИКАСЫНЫН «БИЛИМ» КООМУ

КЫРГЫЗ РЕСПУБЛИКАСЫНЫН «БИЛИМ» КООМУ 1948-жылы 15-январда республиканын белгилүү окумуштууларынын жана маданият өкүлдөрүнүн де­милгеси менен түзүлгөн. Максаты – билим, илим, илимий-техниканын, маданияттын жетишкендиктерин эл арасында түшүндүрүү жана элдин билимин жана маданиятын көтөрүү. Көрүнүктүү окумуштуулар, чарба адистери, маданият өкүлдөрү ж. б. республиканын интеллигенциясынын бардык алдынкы өкүлдөрү коомдун мүчөлөрү болушкан. Коомдун мүчө­лөрүнүн саны 1990-жылы 42 миңге жеткен. Алар ишкана-мекемелерде, мал чарба тармагында ички жана тышкы саясат, алдынңкы тажрыйба ж. б. бардык темаларда аңгеме, лекция өткөрүп турушкан. «Билим» коому тарабынан элдик университеттер түзүлгөн. 1991-жылы республикада 655 элдик университет иштеп, 250 миңден ашык киши билим ал­ган. «Билим» коому рынок шарттарына ыла­йыктуу элдик университеттердин структура, програм­маларын өзгөртүп, жумушсуз калгандарга, ко­шумча жаңы адистик алууга мажбур болгондор үчүн түрдүү багыттагы курстарды ачкан. «Би­лим» коомунун түрдүү багыттагы курстары­нан 100 миңден ашык адам кошумча жаңы адистикке ээ болушкан. «Билим» коомунун эл­дик университеттери экономика, тех.ника жана мед.ициналык билим­дер, чет тилдер, маданият, дизайн жана кол өнөрчүлүк боюнча кошумча адистерди даярдайт.

А. Бакиров.