КЫРГЫЗ МАМЛЕКЕТТИК МЕДИЦИНАЛЫК КАЙРА ДАЯРДОО ЖАНА АДИСТИКТИ ЖОГОРУЛАТУУ ИНСТИТУТУ
КЫРГЫЗ МАМЛЕКЕТТИК МЕДИЦИНАЛЫК КАЙРА ДАЯРДОО ЖАНА АДИСТИКТИ ЖОГОРУЛАТУУ ИНСТИТУТУ – саламаттык сактоо системасындагы мамлекеттик ЖОЖ. КРдин Саламаттык сактоо министрлигинин карамагында. Врач, фельдшер, медсестра жана башкалардын, өлкөбүздөн ж-а чет мамлекеттен медициналык ЖОЖду аяктагандардын жергиликтүү ж-а чет элдик врачтардын адистигин жогорулатат ж-а кайра даярдайт, ошондой эле докторантура, аспирантура, клиникалык ординатурага кабыл алат. Бул окуу жайы 1992-ж. КММИнин врачтардын билимин өркүндөтүү факультетинин ж-а Респ-лык орто билимдүү медициналык фармацевттердин билимин жогорулатуучу окуу жайдын базасында уюштурулган. Институтта жыл сайын 5000ден ашык врачтар ж-а медсестралар адистиктерин жогорулатат. Институтта КР УИАнын корреспендент мүчөлөрү, эмггек сиңирген врачтар, көптөгөн профессорлор, илимдердин докторлору ж-а кандидаттары эмгектенишет. Окуу жайда врачтардын ж-а медсестра иши б-ча адистердин билимин өркүндөтүүчү факультет; үй-бүлөлүк медицина окуу борбору ж-а үй-бүлөлүк медсестра иши борбору иштейт. Бардык облустарда үй-бүлөлүк медицина окуу борборунун 7 бөлүмү бар. Андан сырткары, Ошто «Медициналык билим берүүнүн дипломдон кийинки борбору» – бөлүмү иштейт.