КЫРГЫЗ МАМЛЕКЕТТИК КӨРКӨМ CҮРӨТ ОКУУ ЖАЙЫ

КЫРГЫЗ МАМЛЕКЕТТИК КӨРКӨМ CҮРӨТ ОКУУ ЖАЙЫ C. А. Ч у й к о в а т ы н д а. 1939-жылы Кыргызстан сүрөтчүлөр союзунун көркөм сүрөт сту­диясынын (1935) базасында ачылган.

1980-жылы C. Чуйковдун ысмы берилген. Улуу Ата Мекен­дик согуш учурунда окуу жай убактылуу жа­былып, айрым окуучулар Самарканд көркөм сүрөт окуу жайына которулган. Окуу жайда живопись, дизайн жана жасалга-колдонмо искусст­восу боюнча адистер даярдалат. Г. Айтиев, Л. Ильи­на, А. Михалёв, А. Игнатьев, С. Акылбеков, В. Тюрин, А. Молдакматов жана башка белгилүү сүрөт­чүлөр эмгектенишкен. Окуу жайында Т. Сады­ков, А. Асранкулов, А. Бейшенов, Т. Герцен, Б. Жалиев, С. Ишенов, Ж. Кадралиев, Т. Курма­нов, С. Чокморов, С. Макашев, А. Арым Кубат, Д. Кадыралиев жана башка искусство ишмерлери окуган. Директорлору: А. И. Простев, Ш. Керимбаев, Ф. М. Зазулин, Ж. Кожакметов, М. С. Акыл­беков, Е. С. Гердюк, С. Асанбеков, Н. Конгур­баев, 1975-жылдан Т. Байбосунов иштеген.