КЫРГЫЗ МАМЛЕКЕТТИК КУРУЛУШ– ТРАНСПОРТ ЖАНА АРХИТЕКТУРА УНИВЕРСИТЕТИ (КМКТАУ)

КЫРГЫЗ МАМЛЕКЕТТИК КУРУЛУШ–ТРАНСПОРТ ЖАНА АРХИТЕКТУРА УНИВЕРСИТЕТИ (КМКТАУ) Н. И с а н о в а т ы н д а – жо­горку билимдүү инженер адистерди даярдоочу техникалык жогорку окуу жайы. 1992-жылы Фрунзе Политехникалык институтунун архитекту­ра жана курулуш факультетинин базасында Кыргыз архитектура жана курулуш институту түзүлүп, 1998-жылы Кыргыз мамлекеттик курулуш-транспорт жана архитектура университети болуп уюшулган. 2008-жылы Н. Исанов­дун ысмы берилген. Университетке караштуу 6 институт, 4 коллеж, 3 лицей, Кыргыз-Герман, Кыргыз-Француз, Кыргыз-Араб факультеттери болгон. Университеттин курамында С. Чуйков атындагы Кыргыз мамлекеттик көрөм сүрөт окуу жайы, Бишкектеги курулуш,

кБалыкчыдагы индустриялык техникумдар иштеген. Улуттук архитектура жана дизайн мектеби архитектура, архитектуралык чөйрөнүн дизайны, архитектура­лык мурастардын реставрациясы жана реконст­рукциясы, көркөм кол өнөрчүлү, живопись, сүрөт искусствосунун теориясы жана тарыхы боюнча адистерди даярдаган. Университетте сырттан окуу жана даярдоо бөлүмдөрү, аспирантура, 50 кафедра, окуу лабораториясы, китепкана, спорт залдары, жата­кана, 6 окуу корпусу бар. Университетте Кыргыз Республикасынын Улуттук илимдер академиясынын корр. мүчөлөрү, академиктери, илимдин канди­даттары жана докторлору эмгектенишкен. 55 адистик боюнча 12 миң студент окуп, 500дөн ашуун окутуучу (30 илимдин доктору, 160 илим­дин кандидаты, анын ичинде республикалык жана эл аралык академиялардын 13 академиги жана корреспондент мүчөлөрү) иштеген (2008). Ректорлору Ж. Тентиев, 2005 жылдан А. Абдыкалыков болгон.

2022-жылы Курулуш жана коммуникациялар институту (ККУ) анын базасында Н.Исанов атындагы Кыргыз курулуш институтуна (КИСИ) өзгөртүлгөн, азыр И. Раззаков атындагы Кыргыз мамлекеттик техникалык университетинин курамына кирип, өзүнүн билим берүү программаларын жана үзгүлтүксүздүгүн сактап, адистерди даярдоону улантып, аны интеграцияланган жана өнүгүп келе жаткан университетке айландырууда.