КЫРГЫЗ КЫЗЫЛ ТҮСТҮҮ КОМПЛЕКСИ

КЫРГЫЗ КЫЗЫЛ ТҮСТҮҮ КОМПЛЕКСИ – бор мезгилинен неогенге чейин пайда болуп, Кырг-нда кеңири тараган кызыл түстүү тектер. Терминди биринчи жолу 1948-ж. С. С. Шульц киргизген. Катмарлары Ысык-Көл ойдуңунда, Чүй, Нарын, Фергана өрөөндөрүндө кездешет.
Бийик тоо этегиндеги адырларда, бөксөлөрдө, ойдуңдарда антропоген тектери м-н жабылып жатат. Негизинен кум, топурак, кумдук, пат­тум, гравеллит, конгломераттан турат. Калың­дыгы 150–200 мден 1,2–1,5 кмге чейин жетет.
Комплексти кыргыз свитасы (F₃–N₁) деп да ата­шат. Катмардын арасында таш туз, гипс, чопо жолугат.