КЫРГЫЗ КОЮ
КЫРГЫЗ КОЮ – жыл бою жайытта багууга көнүккөн, катаал шартка чыдамдуу, кылчык жүндүү жергиликтуу кой. Кыргыз коюнун башы кичине, шыйрагы ичке, өңү кара, боз түстө, төлү тез жетилип, бат эттенет. Тегерек же салпаң куйруктуу. Кыргыз коюнун орточо салмагы 48–72 кг, кочкорунуку 74–88 (ир дүүсү 109) кг, соолугунуку 56–68 кг. Жыл мезгилине жараша салмагы өзгөрүлүп турат. Жайлоодо салмагы 20–23%ке жогоруласа, кышкысын 12–20%ке (катаал кышта 35–37%) чейин түшөт. Жүнү аз, күзүндө ж-а жазында кыркылат. Жылдык орточо кыркымы 2,2–2,4 кг, кылчык, буласы тыбыт, өтмө жүн, кыл ж-а өлүү жүндөн турат. Кыргыз кою сүттүү, бир соолуктан жылына 150–170 л сүт саап алууга болот, майлуулугу 3,5–8%. Азыр кыргыз кою көбүнчө көмөкчү чарбаларда аз-аздан багылат. Кыргыз коюнун генетикалык сапаттары билгичтик м-н пайдаланылып, бийик тоолуу шартта өстүрүүгө ылайыкташтырылган кыргыз уяң жүндүү кою, тянь-шань кою ж-а алай кою породалары чыгарылган.