КЫЗЫЛ-СУУ 1

КЫЗЫЛ-СУУ – Кемин р-нундагы суу. Чүй д-нын сол куймасы. Уз. 36 км, алабынын аянты 171 км². Алабынын деңиз деңг. орт. бийикт. 2500 м. Төрт чоң куймасы бар. Кыргыз Ала-Тоо­сунун түн. капталындагы мөңгүлөрдөн башта­лат да, кууш капчыгай аркылуу агып, Чүй өрөө­нүнө чыгат. Жылдык орт. чыгымы 1,46 м³/сек, эң көбү июнь–июлда, эң азы февралда байкалат. Сугатка пайдаланылат. Боюнан Кызыл-Суу кыш. орун алган.