КЫДЫРГАНОВ женишбек

КЫДЫРГАНОВ Жеңишбек (1945-жылы туулган, Ысык-Көл облусу, Ак-Суу району, Ичке-Жергез айылы) - спортчу (классикалык күрөш). СССР спортунун чебери (1967), ардактуу чебери (1975), классикалык күрөш боюнча Кыргыз ССРинин 10 жолку чемпиону (1966-76), улуттук категориядагы калыс (1990). КМДТИни бүтүргөн (1983). 1965-76-ж. Кыргыз ССРинин «Эмгек резервдери» ыктыярдуу спорт коомунун машыктыргыч-окутуучусу, 1979–84-ж. Ысык-Көл облустук спорт комитетинин төрагасынын орун басары, 1984-90-ж. Ысык-Көл облустук спорт мектебинин директору, 1990-жылдан Ысык-Көл облустук балдар-өспүрүмдөр спорт мектебинин улук методисти. Эл аралык турнирлердин (Швеция,1972; Түркия, 1975), Прибалтика кубогунун (1973), СССР элдеринин спартакиадасынын катышуучусу ж-а жеңүүчүсү.