КУРТ-КУМУРСКА ЖЕЧҮЛѲР
КУРТ-КУМУРСКА ЖЕЧҮЛѲР (Insectivora) – сут эмүүчу жаныбарлардын түркүмү. Узундугу 3 смден (кидик курѳң тиш, кидик ак тиш) 39 смге жетет. Башы сүйрү, тумшугу узун, кѳзу кичине. Жүнү кыска, ѳңү боз, кара, чанда темгилдүү, кай бириники кылдуу же тикендүү (кирпилер). Кѳпчулугу басып журѳт, буттары, куйругу кыска, беш манжалуу же узун. Тиштери начар бѳлунгѳн. Жыт сезүү органдары жакшы ѳѳрчугѳн. Жер жузундѳ 7 тукуму, КМШ ѳлкѳлѳрундѳ 3 тукуму: кирпи сымалдар, кѳр чычкандар жана жер чукуурлар кездешет. Кѳбунчѳ омурткасыздарды, майда омурткалууларды жейт. Жылына 2-3 жолу тѳлдѳйт. Алардын ичинде териси баалуулары жана жугуштуу оору таратуучулары бар. Кѳпчулук туру азыгын күүгумдѳ издейт. Айыл жана токой чарбасына зыян келтирүүчу омурткасыздарды кырып пайда алып келет. 8 туру ТКЭСтин Кызыл китебине катталган.