КУРОСАВА
КУРОСАВА Акира (23. 3. 1910, Токио - 6. 9. 1998, Токио, Сетагая) - жапон кинорежиссёру. 1928-1935-жылдары Токиодогу Искусство академиясынан окуган. 1936-жылдан сценарист, режиссёрдун ассистенти, 1943-жылдан режиссёр. «Сугата Сансиро» деген туңгуч тасмасына (1943) сценарий жазган. Аны дуйнѳгѳ тааныткан «Расёмон» тасмасы (1950) !Венеция кинофестивалында баш байгеге арзыган, 1951). Башка кѳрунүктуү тасмалары: «Кейбир» (1951, Ф. М. Достоевскийдики боюнча), «Жашоо» (1952), «Жети самурай» (1954, Венеция, Күмуш байге), «Арамзалардын сепили» (1957, У. Шекспирдин «Макбети» боюнча), «Түпкурдѳ» (1957, М. Горькийдики боюнча), «Жасоол» (1961), «Кызыл сакал» (1965), «Трамвай дѳңгѳлѳгунун ыргагы менен» (1970), «Дерсу Узала» (1975; Москвадагы Эл аралык кино фестивалдын (ЭКФ) баш байгеси, 1975;
Америка Кошмо Штаттарынын «Оскар» сыйлыгы; 1976). Бул тасмада С. Чокморов да тартылган. Куросава гуманизм идеаларына каныккан терең психологиялык тасмалары менен социалдык теңсиздикке, согушка каршы чыккан. Ал кино искусствосунун кѳркѳм каражаттарын чеберчилик менен пайдаланган жана дүйнѳлүк кинонун ѳнүгушүнѳ маанилуү салым кошкон. «Согуштун кѳлѳкѳсу» (1980, Канн Эл аралык кино фестивалдын (ЭКФ) башкы сыйлыгы) жана «Ран» («Дүрбѳлѳң», У. Шекспирдин «Король Лир» трагедиясынын мотиви боюнча, 1985) жана башка тасмаларда Куросава баатырдыкты жана кѳпчулуктүн композициясын чеберчиликте айкалыштырган. Москвада (1979), Венецияда (1982) Эл аралык кино фестивалдын юбилейлик сыйлыгын, кино искусствого кошкон салымы учүн «Оскар» сыйлыгын (1990) алган.
Ад.: Акира Куросава. М., 1977.