КУРМАНОВ Зайнидин

КУРМАНОВ Зайнидин Карпекович (03. 06. 1955, СССР, Кыргыз ССРи, Фрунзе шаары) – тарых илимдеринин доктору (1997), профессор (2000). Кыргыз Республикасынын билим берүүгѳ эмгек сиңирген кызматкери (2000). Мамлекеттик кызматтын 2-класстагы кеңешчиси (2002). Ленинград мамлекеттик университетин (1978), Кыргыз Улуттук университетин (1996), Германиядагы Ж. Маршалл атнындагы Борбордук аскер коллежин бүтүргѳн. 1978–1979-жылдары Караганда (Казакстан) Медициналык институтунда окутуучу, 1979–1982-жылдары Кыргыз ССР Мамлекеттик архивинде илимий кызматкер, бѳлүм башчы, 1986–1991-жылдары Кыргыз Улуттук Илимдер академиясынын Тарых институтунда кенже илимий кызматкер, КММИде окутуучу, милициянын жогорку

мектебинде улук окутуучу, 1992–1994-жылдары И. Арабаев атындагы Кыргыз Мамлекеттик университетинин ректору, 1996–1997-жылдары «Кыргыз инвест-финансы корпорациясы» департаментинин директору, 1997–2000-жылдары Кыргыз-Россия Славян университетинде окутуучу, 2005–2007-жылдары ПРООНдун консультанты, КМУда профессор, 2010-жылдын сентябрынан КРСУда профессор, кафедра башчысы, Парламентаризм жана демократия институту коомдук фондусунун директору. Кыргыз Республикасынын Жогорку Кеңешинин депутаты (2000–2005; 2007–2010), 2009-жылдын 24-декабрынан 2010-жылдын 7-апрелине чейин тѳрагасы. Кыргызстан тарыхына жана укук маселелерине арналган 180ден ашык ил. эмгектин (а. и. 12 монография жана окуу китептер) автору. «Даңк» медалы менен сыйланган.

Эмг.: Политическая борьба в Кыргызстане: 20-е годы. Б., 1997; Национальная интеллигенция 20–30 годов: вклад в возрождение национальной государственности кыргызского народа и борьбу с тоталитарно-авторитарным режимом. Б., 2005.