КУРДЮМОВА В
КУРДЮ́МОВА В алентина Мефодьевна (1937-ж. т., азыркы Чүй обл., Ново-Покровка айылы) – техника илимд. доктору (1997), проф. (1993). 1959-ж. Архангельск токой тех. ин-тун бүткөн. Коми АССРинин үй куруу комбинатында инженер, мастер, башкы технолог; КРдин Курулуш министрлигиндеги «Индустрия» трестинин ишканаларында башкы инженер; долбоорлоо ин-тунда окутуучу, улук окутуучу, доцент; ФПИде кафедра башчысы. 1993-жылдан бери КМКТАУда кафедра башчысы. Курулуш материалдары жана констр-лары жаатында адис. 140тан ашык ил. эмгектин, а. и. 4 монография, 4 ойлоп табуу, 7 китеп, окуу-усулдук көрсөтмөлөрдүн автору.
Эмг.: Материалы и конструкции из отходов растительного сырья в производстве строительных конструкций. Ф., 1992; Жыгач жана пластмасса конструкциялары. Б., 1994; Состав и структура композиционных материалов (в соавторстве); Свойства композиционных композитов для облегчённых строительных конструкций. Б., 1995.