КУРБЕ
КУРБЕ́ Жан Дезире Гюстав (10. 6. 1819, Орнан – 31.12. 1877, Швейцария, Ла-Тур-де-Пельз) – француз живописчиси. Орнанда, Безансондо, Парижде окуган. Турмуш чындыгын даана чагылдырган романтикалуу, колоритке каныккан алгачкы эмгектери («Мүштөкчөн автопортрет», 1846–1847, Монполье; «Булгаары курлуу адам», 1849, Лувр) Курбени реалист катары тааныткан. 1848–1849-жылдагы революция таасири менен демократиялык багыттагы сүрөттөрдү («Таш талкалоочулар», 1849–1850, сакталган эмес; «Орнандагы өлүк көмүү», 1850, сакталган эмес; «Ателье», 1855, экөө тең ОРСЕ музейи жана башкалар) тартып француз реалисттик живописинин баштоочусу катары таанылган. Искусстводогу жалганчылыкка каршы күрөшүп, демократиялуу коомчулуктун колдоосуна ээ болгон. «Бугулар баш маанеги» (1860, Лувр), «Бретань жээктериндеги деңиз» (Сүрөт искусство музейи) өңдүү эң сонун пейзаждарды жараткан.
Курбе.–Париж коммунасынын көрүнүктүү өкүлү.
Г. Курбе. «Сенанын жээгиндеги кыздар», 1856–1857. Пти-Пале музейи. Париж.
Коммуна кулагандан кийин камалып, акчалай айыпка жыгылган. 1873-жылы Швейцарияга качып барып, өмүрүнүн акыркы жылдарын ошол жерде өткөргөн.
Ад.: Тихомиров А. Н. Г. Курбе. М., 1965; Калитина Н. Н. Г. Курбе: Очерк жизни и творчества. М., 1981.