КУЛЖА-ЭМБЕС ГРАНИТ КЕНИ
КУЛЖА-ЭМБЕС ГРАНИ́Т КЕНИ Талас р-нунда, Кара-Ой кыш-нан 12 км түштүктө, Кулжа-Эмбес суусунун сол өйүзүндө. 1981-ж. табылган. Кен аймагын соңку кембрий менен ордовиктин башында жиреп чыккан гранит, протерозойдун акиташ тектери түзөт. Кен биотиттүү гранит интрузиясынан турат. Аянттын уз. 600 м, жазылыгы 80–240 м. Арасында аплит, дайка жана протерозойдогу ксенолиттер (аянты 60x40 мге чейин) кездешет. Мында пайдалуу тектер – гра нит менен мраморлошкон акиташ. Гранит – 80%, акиташ – 18,5%. Граниттин физ.-мех. касиеттери: үстүнөн бастыргандагы бышыктыгынын чеги (кургак абалда) 114,66 МПа, сууга каныккан абалдагысы 107,88 МПа, жалпы тыгыздыгы 2,7 г/см3; мраморлошкон акиташты: үстүнөн бастыргандагы бышыктыгынын чеги (кургак абалда) 224,44 МПа, сууга каныккан абалында 107,01 МПа, жалпы тыгыздыгы 2,83 г/см3. Гранит менен акиташ тегин курулушта колдонууга болот. Гранит менен акиташ тегинин запасы А+В+С категориясы б-ча 5364 миң м3, С –4651 миң м3.