КУЛБАЕВ Маман

КУЛБАЕВ Маман [1917, азыркы Жалал-Абад обл., Базар-Коргон р-ну, Кыргыз-Гава кыш. – 1987, ошол эле жер] – малчы, Социалисттик Эмгектин Бааты­ры (1948). Ош (азыркы Жа­лал-Абад) облусунун Ленин (азыркы Ноокен) районундагы Киров атынндагы колхоздо та­лаачылык бригадасынын бри­гадири, жылкы фермасынын башчысы болуп иштеген. Ал башкарган ферма 1947-ж. 50 бээден 50 кулун алып, аман асыраган. Ленин ордени менен сыйланган.