КУБАНЫЧ ҮЛҮЛДҮҮ АКИТАШ КЕНИ

КУБАНЫЧ ҮЛҮЛДҮҮ АКИТАШ КЕНИ

Жалал-

Абад обл-нун Сузак р-нунда, Жалал-Абад ш-нан 17 км түш.-чыгышта, Чаңгет-Сай суусунун сол жээгинде, деңиз деңг. 1110–1190 м бийикте. 1984–85-ж. чалгындалган. Кендин аянты ортоң­ку палеогендеги (түркстан катмарчасы) доломит­тешкен үлүлдүү акиташтан, гипстешкен чопо­дон жана төртүнчүлүк мезгилиндеги кумайлуу чоподон түзүлгөн. Үлүлдүү акиташ бири-бири­нен айырмаланган үч горизонттон турат. Жал­пы калыңдыгы 9 мден 15 мге чейин өзгөрөт. Орт. тыгыздыгы 2,12 г/см³, көзөнөктүүлүгү 24,38%, суу сиңирүүсү 7,81%, үстүнөн бастырган­да бектигинин чеги (кургак абалда) 46,96 МПа, сууга каныккан абалда – 38,95 МПа, жумша­руу коэфф. 0,83. Кесек бөлүнүшү 93,4%. Үлүлдүү акиташ дубал курууга жана каптама катарын­да колдонууга жарамдуу. Доломиттешкен үлүл­дүү акиташтын запасы А категориясы б-ча 203,7 миң м³, В – 186,6 миң м³, С – 599,7 миң м³. Кумайлуу чопонуку – А+В – 658 миң м³, С – 510 миң м³.