КУБАЛЫКТАР

КУБАЛЫКТАР (өздөрүн к у б а н о с деп ата­шат) – эл, Кубанын негизги калкы. АКШ (1 млн), Канада (10 миң), Испания (20 миң) жана Латын Америка мамлекеттеринде да жашайт. Жалпы саны 12,4 млн киши, а. и. 11,2 млну Кубада (2008). Испан тилинде сүйлөшөт. Динге ишен­гендеринин көпчүлүгү – католиктер, протес­танттар жана африкалык-христиандык ар кан­дай синкреттүү динге ишенгендери да бар. К-дын этностук негизин абориген индейлери, испан кел­гиндери менен кул катары Африкадан (16–19-к.) алып келинген негрлер түзгөн. К-дын улут бо­луп калыптанышына 30 жылдык (1868–98) улуттук-боштондук согуш, 1933-жылдагы рев-я, 1959-жылдагы элдик рев-я маанилүү этаптар­дан болду. К. дыйканчылык менен кесиптенишип, дубалы пальма жыгачынан тургузулуп, үстү пальма жалбыра­гы менен жабылган үйлөрдө жашаган.

Эркектер кенен көйнөк, башына чий калпак, аял­дар чыттан тигил­ген юбка, кыска күрмө кийип, түс­түү жоолук салы­нат. Тамак-ашы негизинен күрүч, төө буурчак, жүгө­рү, жер-жемиш­тер, о. эле деңиз жээгинде жаша­гандар бал ык, моллюска, таш бака ж. б. пайдаланышат. Учур­да калктын көпчүлүгү шаарда жашап, ө. ж-да иштешет. Карнавал, короз чокуштуруу ж. б. элдик оюндары бар.