КУБАКЫ КОРГОШУН КЕНИ
Навигацияга өтүү
Издөөгө өтүү
КУБАКЫ КОРГОШУН КЕНИ Нарын обл-нун Кочкор р-нунда, Кочкор кыш-нын түн.-чыгышында, Кызыл-Омпол тоосунун борб. бөлүгүндө. 1932-ж. табылган. Кен аймагын пермь мезгилинде пайда болгон сиенит массиви түзөт. Алар аркылуу субмеридиан багытында созулуп жаткан тектон. жарака өтөт. Кен ошол жаракадагы кварц-флюорит-сульфид тарамчаларында топтолгон. Кенташ тулкусу 55° бурч менен чыгышка карай жантайып жатат. Уз. бир нече кмге созулат. Калыңдыгы 2–3 м. Негизги минералдары: галенит, сфалерит, халькопирит, гематит, барит, кварц, флюорит. Кенташ минералы – галенит. Ал чачынды түрдө тараган. Кенде коргошундан башка цинк менен флюорит бар.