КРИК 1

КРИК Фрэнсис Харри Комптон (8. 6. 1916, Норт­гемптон – 28. 7. 2004, АКШ, Калифорния шта­ты, Сан-Диего) – англ. биофизик жана генетик, мол. биологияны негиздөөчүлөрдүн бири, Лон­дон король коомунун мүчөсү (1959). Лондон ун­тинин коллежин аяктаган (1937). 1947–77-ж. Кембриж ун-тинин түрдүү лабор-ларында (1962- жылдан мол. биология лабор-сынын башчысы), 1953–54-ж. Бруклин политех. ин-тунда (Нью- Йорк) иштеген. 1977-жылдан Солк биол. изил­дөөлөр ин-тунда (АКШ, Калифорния) проф.- изилдөөчү, Калифорния ун-тинин проф. Негизги эмгектери нуклеин к-тасынын мол. түзүлүшүн изилдөөгө жана тирүү клеткадагы ген. маалы­маттардын берилүү жолдорун чечүүгө арналган. Ж. Д. Уотсон менен бирдикте ДНКнын түзүлүшүн, анын эселенүү (репликация) схемасын аныктап, клетканын бөлүнүүсүндө тукум куума белгилер­дин тукумга берилүү механизмин алгач тү­шүндүргөн (1953). Ген. коддун келип чыгышын (1970-ж., Л. Оргел менен бирдикте) сунуштаган. 1980-жылдан нейробиология маселелеринин үстүндө иштеп, аң-сезим, көрүү жана түш көрүү механизмдерин изилдеген. К. Нобель сыйлыгы­нын лауреаты (1962, Ж. Уотсон, М. Уилкинс менен бирге).

Эмг.: Безумный поиск: личный вклад на научное открытие. М., Ижевск, 2004.