КРИВОЙ РОГ ТЕМИРЛҮҮ КЕНТАШ БАССЕЙНИ
КРИВОЙ РОГ ТЕМИРЛҮҮ КЕНТАШ БАССЕЙНИ – Украинадагы ири темир кени орун алган
аймак. Днепр д-нын алабында. Уз. 100 км, туурасы 2–7 км, түндүктөн түштүккө созулуп жаткан тилке. Аянты 300 км2. 1881-жылдан казып алынат. Бассейндин аймагын кембрийге чейин пайда болгон чөкмө-метаморфизм тектердин калың катмары ээлеп жатат. Темир кенташы катмарлардын ортосундагы калыңдыгы 2 кмге жеткен темирлүү кенташ геол. формациядан орун алган. Мында темирлүү кварцит менен сланецтерден турган 7–8 катмар кездешет. Катмарлар тектон. процесстердин таасиринен көптөгөн
өзгөрүүлөргө дуушар болуп, түзүлүшү татаалданган. Темирлүү кварцит гематит менен магнетиттен же алардын аралашмасынан турат. Темир
орт. 30–45%ти түзөт. Ушуга жараша кенташ өз
ичинен б а й (гематит-магнетиттүү) жана ж а рд ы (темир-кварцит-магнетиттүү) түрлөргө
бөлүнөт. Бассейнде темирге өтө бай (темир орт. 57,6%) кенташтын чалгындалган запасы 1,7 млрд тга жетет (1972-ж. 1-январга карата).
Магнетиттүү кварцит – 11,6 млрд т болот. Темир кенташы 900 м тереңдиктен казып алынат.
Ад.: Геологическое строение и железные руды Криворожского бассейна/Под ред. Я. Н. Белевцева. М.,
1957.