КОШ АЯКТАР

КОШ АЯКТАР (Dipodidae) – сүт эмүүчүлөрдүн ке­мирүүчүлөр түркүмүнүн тукуму.

Дене узундугу 5 смден 26 смге, куйругунун узундугу7–30 смге жетет.
Жүнү кыска, жыш, ак, кара, күрөң, боз түстө. Эркек ургаачысы окшош. Көбүнүн арткы бутта­ры алдынкысы­нан 3–4 эсе узун.
Башы, көзү чоң, кулагы узун. Эки буту м-н чуркап, секирип жүрүүгө (3 м аралыкка се­кирет) ыңгайлан­ган. 10–15 урууга кирген 27–30 түрү Евразия, Түндүк Аф­рика ж-а Түндүк Аме­риканын талаа, чөл, жарым чөлдөрүндө таралган. КМШ өлкө­лөрүндө 9–10 уруунун 17 түрү, Кыргызстанда 4 түрү бар. Кош аяктар жалгыздап, терең ийинде жашайт. Күүгүмдө ж-а түнкүсүн азыгын издейт. Жылына 1–2 жолу 2–8ди тууйт. Өсүмдүк данын, бакча өсүмдүктөрүн ж. б. жеп, зыян келтирет.