КОШТОШУУ ЫРЛАРЫ

КОШТОШУУ ЫРЛАРЫ – элдик оозеки чыг­лыктагы каада-салт ырларынын түрү. Темати­касы жагынан К. ы. ар түрдүү: белгилүү бир шартка ылайык өз жеринен мажбурлап көчүрүл­гөндө, өкүмү күчтүү жоодон туулуп-өскөн же­рин таштап качканда, элин, жерин коргоо үчүн казатка аттанган жоокерлер, ак жеринен сүргүн­гө айдалган акын Т. Сатылгановго («Кош элим», «Кош, апаке») окшогон ырчылар К. ы-н жара­тышкан О. эле Улуу Ата мекендик согуш учу­рунда жоого аттанган кыргыз жоокерлери да К. ы-н жараткан (мис., Ж. Бөкөнбаевдин «Кош, Ала-Тоо, уулуң кетти майданга» деген ыры ж. б.).

Ад.: Жигитов С. Ырлар жана жылдар. Ф., 1972; Кыргыз элинин оозеки чыгармачылык тарыхынын очерки. Ф., 1973; Кыргыз адабиятынын тарыхы. Б., 2004.