КОЧКОР 1

КОЧКОР – бычылбаган эркек кой. Ал 4–5 ай­лыгында жетилет. Жетилгенде өзүнчө короого бөлүнүп, 7–8 жашка чейин куутка кошулат. К. болуучу козуга кочкорок кезинен көз салып, анын породасына, кунардуулугуна, дене түзүлү­шүнө ж. б. көңүл бурулат. Калтырылган К. козу кочкор кезинде (1,5 жашында) 50–100 кой куу­дурулуп, төл б-ча ага баа берилет. Колдон урук­тандырууда бир К-дун уругу 200–500 койго же­тет. К-дун рационунда протеин, витамин, ми­нерал зат мол болууга тийиш.