КОСМОС КЕМЕСИ

КО́СМОС КЕМЕСИ – адамды ж-а керектүү кара­жаттарды космоско алып чыгуучу аппарат. К. к-нин негизинен жашоого мүмкүн болгон жыл­чыксыз кабинадан, Жерге кайтып келүүчү ап­параттан, кондурууда ж-а манёвр жасоодо ор­битасын өзгөртүүчү кыймылды башкаруучу түзүлүштөн турат. Жер орбитасында учуучу К. к. – жандоочулар (к. Жердин жасалма жан­доочулары), ал эми асман телолоруна учурулуу­чу планета аралык (экспедициялык) К. к. деп аталат. О. эле орбиталык станцияларга адам, жүк жеткирип, кайра алып келе турган транс­порттук К. к. бар, мис., «Восток», «Восход», «Союз», «Меркурий», «Жемини», «Апполон» ж. б., к. Космос аппараты.