КОРУМДУ МӨҢГҮЛӨРҮ

КОРУМДУ МӨҢГҮЛӨРҮ – Чоң Алай кырка тоосунун түн. капталындагы Корумду суусунун төрүндө жайгашкан үч мөңгү (Чыгыш, Ортонку ж-а Батыш К. м.). Ч ы г ы ш Корумду мөңгү­сү татаал өрөөн тибинде. Уз. 6,2 км, аянты 13,9 км², көлөмү 0,6 км³. Башы деңиз деңг. 5440 м, этеги 3900 м бийикте жатат. Кар чеги­нин бийикт. 4620 м, абляциясынын аянты 4,0 км². О р т о н к у Корумду мөңгүсү өрөөн тибиндеги мөңгүгө кирет. Уз. 5,5 км, аянты 3,9 км², көлөмү 0,2 км³. Башы деңиз деңг. 5330 м, этеги 3820 м бийикте жатат. Кар чеги­нин бийикт. 4520 м, абляциясынын аянты 1,8 км². Б а т ы ш Корумду мөңгүсү – өрөөн тибиндеги мөңгү. Уз. 3,4 км, аянты 4,9 км², көлөмү 0,3 км³. Башы деңиз деңг. 4700 м, этеги 4020 м бийикте жатат. Кар чегинин бийикт. 4360 м, абляциясынын аянты 1,9 км². Мөңгүлөр­дөн башталган суулардан Кызыл-Суунун сол куймасы – Корумду суусу куралат.