КОРРАЗИЯ

КОРРА́ЗИЯ (лат. corrado – сүргүлөө, жылмалоо, үшкүлөө, чиймелөө) – күчтүү шамалдан учкан кумдардын тоо тектердин бетин сүрүп жылма­лашы, чиймелеши. Дайыма бир багыттан согуу­чу күчтүү шамал кумдарды учуруп, тоо тектер­дин бетин тынымсыз ургулайт, сүргүлөйт, жы­шат, тегиздейт, чиймелейт, сыйрыйт. Натый­жада жылмаланган тегиз беттер же коңулдар, оюктар пайда болот.