КОНТИНЕНТ

КОНТИНЕ́НТ (лат. continens – материк), м а т ер и к – жер кыртышынын туш тарабынан океан, деңиз суулары м-н чулганган ири бөлүгү. Кыртышынын орт. калыңдыгы – 35–45 км. Ага гранит-метаморфизмделген тоо тек катмарлуу жер кыртышынын континенттик түзүлүшү мүнөздүү. Азыркы геол. доордо 6 К. бар: Евразия (аянты 53,4 млн км²), Африка (30,3 млн км²), Түн. Америка (24,2 млн км²), Түш. Америка (18,2 млн км²), Антарктида (14,0 млн км²), Австралия (7,7 млн км²).