КОНКИН

КО́НКИН Григорий Ефимович [1911, Россия империясы, Жети-Суу облусу, Пржевальск уезди (азыркы Кыргыз Республикасы, Ысык-Көл облусу, Жети-Өгүз району, Кызыл-Суу кыштагы) – 16. 11. 1941, СССР, РСФСР, Москва

облусу, Волоколамск району, Дубосеко­во разъезди, сөөгү Нелидово кыштагына коюлган)] – Советтер Союзунун Баатыры (21. 07. 1942, өлгөн­дөн кийин). Кызыл Армиянын катарына Жети-Өгүз райондук аскер комиссариаты тарабынан 1941-жылы чакырылып, Улуу Ата Мекендик согушта (1941–1945) 16-армия, 316-аткычтар дивизиясынын 1075-аткычтар полку, 2-батальонунун 4-ротасында кызмат өтөгөн. Немис баскынчыларынын Москвага жасаган 2-башкы чабуулунун мизин кайтарууга катышкан. 1941-ж. 16-ноябрда Дубосеково разъездин коргоочулар менен атактуу 28 панфиловчунун (кара: Жыйырма сегиз панфиловчулар) катарында эрдик көрсөтүп, баатырларча курман болгон. Ленин ордени менен сыйланган. Жети-Өгүз районунундагы Калиновка кыштагына, мектепке, Каракол шаарынын бир көчөсүнө ысмы ыйгарылып, Кызыл-Суу айылына айкели коюлган.

Ад.: Алымкулов Н. А. Кыргызстанцы – герои Советского Союза и полные кавалеры Ордена Славы: новые факты, имена. Б., 2025.