КОМПЛЕКСТҮҮ МЕХАНИКАЛАШТЫРУУ

КОМПЛЕКСТҮҮ МЕХАНИКАЛАШТЫРУУ – тоо иштерин үзгүлтүксүз ж-а үнөмдүү жүргүзүү үчүн колдонулуучу ар кандай механизмдерди топтоо. Кендерди, тоо тектерин ж. б. казуу, жүктөө, бир жерден экинчи жерге ташып кетирүү, түшүрүү, жыюу, казмаларды бекитүү, тазалоо сыяктуу иштерде колдонулуучу механизмдер (көмүр ка­зуучу комбайн, конвейер, жүктөгүчтөр ж. б.). Тоо иштеринде коопсуздукту сактоодо, кендин өзүнө турган наркын төмөндөтүүдө зор мааниге ээ. Жүргүзүлүп жаткан ишти автоматташты­рууда, аралыктан башкарууда, жумушчуларды пайдаланбоодо, ар кандай кокустуктан, кыр­сыктан, газ м-н өрттөн сактанууга, коркунуч­суз иш жүргүзүүгө көмөк берет. Азыркы кезде өнүккөн өлкөлөрдүн бардыгы колдонот.