КОМБИНАТОРИКА ГЕОМЕТРИЯСЫ
КОМБИНАТО́РИКА ГЕОМЕТРИЯСЫ – математиканын фигуралар системаларынын комбинатордук мүнөздөгү экстремалдык касиеттерин изилдөөчү бөлүмү. Бул маселе томпок көптүктөрдүн оптималдуу иретте жайгаштырылышы м-н тыгыз байланышкан. Мис., 13 ш а р ж-дөгү маселе: евклид мейкиндигиндеги шарга барабар бардык шарлардын максималдуу саны канча? Бул суроого 1611-ж. И. Кеплер 12 деп жооп берген. Бирок так чыгарылышын голл. математик Б. Л. Ван-дер-Варден 20-к-дын ортосунда далилдеген. К. г-нда математиканын ар кандай тармактарындагы (топология, функциялык анализ, графтар теориясы ж. б.) ыкмалар колдонулат. К. г. дискреттик геометрияга ж-а томпок көптүктөр теориясына жакын.
Ад.: Яглом И. М. О комбинаторной геометрии. М., 1971; Болтянский В. Г., Солтан П. С. Комбинаторная геометрия различных классов выпуклых множеств. Киш., 1978.