КОВАЛЕНКО

КОВАЛЕ́НКО Борис Гаврилович (19. 7. 1929, Фрунзе – 11. 1. 2007, Бишкек) – техника илимд. доктору. (1971), проф. (1977). К. И. Скрябин атн. КАЧИни (1954), СССР ИАнын Ленинград энер­гетикалык ин-тунун аспирантурасын (1957) бүтүргөн. 1957-жылдан Кыргыз ССР ИАда улук ил. кызматкер, лабор. башчысы, Кыргыз ирри­гация ИИИде жетектөөчү ил. кызматкер (1993– 2007). Гидромелиорация тармактарын автомат­таштыруу, суу ресурстарын комплекстүү ирри­гация-энергетикалык пайдалануу б-ча адис. 100дөн ашык ил. эмгектин, 5 монография, 20 авторлук күбөлүктүн ээси.

Эмг.: Оптимизация планов развития орашения (в соавторстве). Ф., 1972.