КЛЕМЕНЦ 1
КЛЕ́МЕНЦ Дмитрий Александрович [15. (27) 12. 1848, Самара губерниясы, Горяиновка кыш. – 8 (21) 1. 1914, Москва] – орус окумуштуусу, археолог, этнограф, тарыхчы, географ, саякатчы. Казан (1867-жылдан), кийин Санкт-Петербург унтинде (1869–71) окуган. Санкт-Петербургдагы рев-ялык иштерге катышкандыгына байланыштуу 1873-ж. ун-тти бүтпөй, жашыруун абалга өткөн. 1879-ж. «Земля и воля» («Жер жана эрк»)
журналынын редактору болгон. Ушул эле жылы камакка алынып, Минусинскиге айдалган. Сибирде жүргөндө көп жыл геология, археология, этнография, тарых м-н алектенип, жер кыдырган. О. Азиянын, Сибирдин бир катар жерин изилдейт. Иркутск, Минусинск музейлерин уюштурууга түздөн-түз көмөктөшөт. 1890-ж. Иркутскиге жайгашып, Императордук орус геогр. коомунун Чыгыш-Сибирь бөлүмүнө мүчө болуп шайланат. Бир катар экспедицияларга, а. и. ИА уюштурган В. В. Радловдун экспедициясына катышат. «Восточное обозрение», «Сибирская
газета» гезиттерине макалалар жазган. 1897–
1903-ж. Антропология ж-а этнография музейинде улук этнограф, 1903–10-ж. орус музейинин
этнография бөлүмүнүн башчысы болуп иштеген.
Эмг.: Из прошлого. Воспоминания. Л., 1925.
Ад.: Федоров В. И. Революционный народник, учёный и просветитель Д. А. Клеменц. Красноярск, 1988.