КИЧИ КЕМИН (Чүй дарыясынын оң куймасы)

КИЧИ КЕМИН – Чүй дарыясынын оң куймасы. Кемин районунда. Иле Ала-Тоосунун түштүк капталынан башталып, түштүк-батышты карай адегенде Ак- Түз капчыгайы, андан төмөн Кичи Кемин өрөөнү аркылуу агып, Чүй дарыясына жетпей сугатка бөлү­нүп кетет. Узундугу 81 км, алабынын аянты 614 км². Жогорку бөлүгүндө кууш өрөөн м-н агып, ортоң­ку агымында сайы кеңийт. Жылдык орточо чыгы­мы 2,10 м³/сек. Эң көп чыгымы 8,63 м³/сек (июль), эң азы 0,46 м³/сек (февраль). Ири куй­малары: Кертабылгы (19 км), Сасык-Булак (15 км). Жээгинде Ак-Түз шаарчасы, Ильич, Жаңы-Жол, Кичи Кемин, Боролдой кыштактары жай­гашкан.