КИЧИ АК-СУУ

КИЧИ АК-СУУ – Ысык-Көлгө куйган суу.
Ысык-Көл р-нунда. Уз. 34 км, алабынын аян­ты 192 км². Күнгөй Ала-Тоонун түш. капталы­нан башталып, кууш өрөөн аркылуу агат. Ала­бы карагайлуу. Ири куймалары: Желе-Карагай, Сүттүү-Булак. Алабында 3 көл бар. Негизинен мөңгү, кар ж-а булактан куралат. Жылдык орт. чыгымы 2,97 м³/сек. Байкалган эң көп чыгы­мы 31 м³/сек, эң азы 0,22 м³/сек. Апрелде кире баштап, ноябрда тартылат. Сугатка пайдала­нылат. Жээгинде Семёновка, Кожояр кыш. жайгашкан.