КИТЕП ТААНУУ
КИТЕП ТААНУУ , б и б л и о л о г и я – китеп жөнүндөгү комплекстүү илим. Китеп басма сөз басылмаларынын жаралуу жана пайдалануу процесстерин изилдейт. Китеп таануу илими китеп тарыхын, басма ишинин теориясын, методикасын жана уюштурулушун, китеп соодасын, китепкана жана библиографиялык иштерди камтыйт. Китеп таануу китеп ишин өнүктүрүүгө илимий багыт берет, аны башка илимдер (адабият таануу, социология, психология, илим таануу, педагогика, информатика, статистика) аркылуу жаңы ыкма менен байытат. Китептин тарбиялык, окуу, илимий-техникалык, маданий процесстеги жана эл аралык мамиледеги ролун ар бир тарыхый мезгилге шайкештигин ырастап турат. Китеп таануу китептин коомдогу аткарган кызматын арттырууга шарт түзөт.
Ад.: Иоффе А. М., Сбитнева А. А. Книговедение и история книги. М., 1989; Мигонь К. Наука о книге. М., 1991.