КИНЕТИКА ЭНЕРГИЯСЫ

КИНЕ́ТИКА ЭНЕРГИЯСЫ – кыймылдоочу нер­сенин энергиясы; механикалык кыймылдын сандык чени. Ар кандай кыймылдоочу нерсе кинетика энергиясына ээ. Мас­сасы m болгон чекит u ылдамдык м-н алга жы­луу кыймылында болсо, анын кинетика энергиясы Е_к чекит массасын ылдамдык квадратына көбөйтүлгөн көбөйтүндүнүн жарымына барабар: Е_к=mu /2. Алга жылуу кыймылындагы нерсенин энергия­сы: Е =Мu²/2, М – нерсенин массасы, u – анын ылдамдыгы. Кыймылсыз октун айланасында айлануучу катуу нерсенин кинетика энергиясы Е_к=Iw /2, – нер­сенин айлануу огуна карата инерция моменти, w – нерсенин бурчтук ылдамдыгы. Кинетика энергиясы нер­сенин кыймылын токтотуучу күч аткарган жумуштун чоңдугу м-н аныкталат, джоуль (Дж) м-н ченелет.