КИНГСТОН
КИ́НГСТОН – Ямайка мамлекетинин борбору, шаар. Ямайка а-нын түш.-батыш бөлүгүндө, дөңсөөлүү түздүктө, Кариб деңизинин жээгинде жайгашкан. Калкы 578,5 миң (2008, Чоң Кингстон шаар агломерациясында 941 миң). Эл аралык аэропорту бар. Деңиз порту (жылына 18 млн т жүк ташылат). Жыл сайын август–октябрда ураган болуп турат. Өлкөнүн маанилүү соода-
экон. борбору ж-а Кариб деңизиндеги ири порт. Британиялык келгиндер тарабынан 1693-ж. негизделген. 1703-ж. өрттөн жапа чеккен. 1872-ж. Ямайканын адм. борбору статусуна ээ болгон. 1944-ж. К-до Ямайканын жаңы конституциясы кабыл алынып, 1950-жылдардын аяк ченинде Вест-Индия федерациясынын курамына киргизилип, арал өзүн-өзү башкаруу укугуна ээ болгон. 1962-ж. августта Ямайка көз каранды эместикке ээ болгондон анын борбору. К-дун борборунда заманбап курулуштар курулган. Чыгышында Рокфорт чеби (17-к.), Сент-Томас чиркөөсү, парламент үйү (18-к.) ж. б. бар. Өлкөнүн ишкер, ири экон. ж-а финансы борбору. Ири компаниялардын штаб-квартиралары жайгашкан. Нефть ажыратуу (суткасына 35 миң баррель; Венесуэла м-н Мексикадан алат), а. ч. продуктуларын кайра иштетүүчү, тамеки, жеңил, тамак-аш (пиво, ром, кофе) ө. ж. ишканалары, бал камыштан этил спиртин алуучу 2 з-д (жылына 220 млн л; үчүнчүсү курулууда) иштейт. Кустардык кол өнөрчүлүгү (белек-бечкектерди даярдайт) өнүккөн. К. – баңгизаттарды (марихуана, кокаин, героин) жашыруун өндүрүүнүн ири борбору. Ин-ттар [а. и. Ямайка инту (1879)], технол. ун-т (1958), музейлер (а. и. аскер, Боба Марли), улуттук галерея бар. Ботан. бак уюштурулган. Кариб деңизинин бассейниндеги өнүккөн туризмдин ири борборлорунун бири (негизинен АКШдан келет; 65%).