КИЖИ

КИ́ЖИ – Онега көлүндөгү арал (Карелия), анда Спас погостунун жыгач курулмалар комплекси (XVIII–XIX кылымдар) жайгашкан. Кижи Спас XVI кылымда бир нече аралдагы 115 кыштакты бириктирген волосттун административдик борбору.

Кижи Спас мазары. XVIII–XIX кылымдар

XVII кылымдын ортосунда тыш­кы душмандардан коргонуу үчүн күзөт мунара­луу дубал менен курчалган. Мындагы Преображе­нье чиркөөсүндөгү 22 – Покров чиркөөсүндөгү 9 му­нара өтө көркөм жасалган. 1965-жылы «Кижи» тарыхый-архитектуралык музейи уюштурулуп, 1969-жылы тарыхый-архитектуралык жана этнографиялык музей-корукка айландырылган. Бүткүл дүйнөлүк мурастар тизмесине кирген.

Ад.: Кижи/Сост. С. В. Воробьева и др. 2-е изд.,Петрозаводск, 2007.